Shqiptarët në Mal të Zi festojnë 28 Nëntorin

28.11.2014 22:07 - 28 Nëntori po festohet në të gjitha trevat ku jetojnë shqiptarët në Mal të Zi.

Lexo m shum

Politikë & Ekonomi

BE, shtohen kundërshtarët e liberalizimit të vizave për Kosovën

Bruksel, 16.02.2011 11:41


“E kemi humbur momentin që ta përfshijmë edhe Kosovën në procesin e liberalizimit të vizave. Siç ndodh gjithmonë kur  humb një rast, rrethanat komplikohen. Gjithçka që ka mundur të shkojë keq për përfshirjen e Kosovës në liberalizimin e vizave, ka shkuar keq“,  e fillon bisedën për “Kohën Ditore” një diplomat i lartë i BE-së, duke shprehur shqetësim se Kosova nuk do të mund të llogarisë se do të dalë shpejt nga izolimi.

Përderisa në Kosovë protestojnë përfaqësuesit e shoqërisë civile kundër asaj që e quajnë „getoizim të Kosovës“, duke kërkuar liberalizim vizash edhe për shtetasit e shtetit më të ri në botë, që kremton nesër trevjetorin e lindjes, në BE heqja e vizave është gjëja e fundit që u shkon në mend. Madje, krahasuar me disa muaj më parë, është në rritje numri i kundërshtarëve të nisjes së çfarëdo dialogu me Kosovën për liberalizimin e vizave.

Burimet diplomatike në BE thonë qartë se lënia anash e Kosovës nga procesi i liberalizimit të vizave nuk është për shkak të mospajtimeve rreth statusit të Kosovës. Varianti zyrtar i BE-së është se “Kosova nuk i ka përmbushur kriteret për të marrë dokumentin e Strategjisë së dialogut të vizave“, ndërsa jozyrtarisht thuhet se shumë vende të BE-së nuk duan që në këto rrethana ekzistuese të nisë dialogu edhe me Kosovën.

Në mesin e këtyre vendeve janë Franca, Holanda, Gjermania, Suedia dhe Belgjika, ndërsa numri i vendeve që kundërshtojnë nisjen e dialogut me Kosovën është po ashtu në rritje në vend që të ndodhë e kundërta.

Diplomatë të BE-së thonë se rrethanat aktuale në BE, situata në Kosovë, akuzat për përfshirje të liderëve kosovarë në krim të organizuar, manipulimet gjatë zgjedhjeve sikur edhe valët e azilkërkuesve nga  Kosova, Serbia dhe Maqedonia, janë shkaku pse është rritur kundërshtimi që BE-ja të nisë dialogun e vizave me Kosovën. Disa prej tyre premtimet e mandatarit të Qeverisë së ardhshme, Hashim Thaçit, për „heqje vizash brenda 15 muajsh“ me ironi e quajnë si një „film fantastiko-shkencor“.

”Së pari nuk e dimë se kur do të fillojë dialogu. Dhe nëse ai fillon do të zgjasë disa vite me Kosovën“, thotë një diplomat i BE-së.

Edhe Ulrike Lunacek, një ndër personat që më së shumti angazhohet për përfshirjen e Kosovës në liberalizim vizash, i kishte quajtur kohë më parë parashikimet e liderit të PDK-së si „joreale“. Diplomatët thonë se arsyet pse disa shtete, që janë mike të Kosovës, nuk duan të dëgjojnë tash për përfshirjen e Kosovës në liberalizimin e vizave është numri i madh i azilkërkueseve nga Kosova që vijnë nga këto vende. Kosovarët në disa vende, sipas shifrave mujore, janë azilkërkuesit më të mëdhenj dhe kjo ndikon tek qëndrimet e qeverive të këtyre vendeve.

Por bashkëbisedues të “Kohës Ditore” insistojnë se „dialogu mes Kosovës dhe Serbisë nuk ka lidhje me liberalizimin e vizave“.


 

Prapa

Shpërndaje artikullin:

Komento:




E Shtunë

29

Nëntor

2014

Fotolajm

28.11.2014 22:52 - Në çdo trevë ku ka shqiptarë 28 Nentori është festuar në mënyra te ndryshme. Në Tetovë ishte më ndryshe. Atje defiluan në qytet qindra vajza të reja të veshur me fuatnë të kuq e me një shirit të zi në bel.

Kjo Agjenci Lajmesh menaxhohet dhe kontrollohet nga Qendra Mediale KNN (Kosovo News Network). Informacionet e publikuara në portalin knninfo.com nuk mund të kopjohen dhe përdoren për çfarëdo qëllimi, pa një marrëveshje bashkëpunimi me drejtuesit e KNN-së. Të gjitha të drejtat e botimeve në këtë portal janë të rezervuara dhe të mbrojtura. Përdorimi i informatave mund të bëhet duke përmendur burimin, ndryshe konsiderohet një shkelje e të drejtave të autorit.

© Copyright 2010 - Kosovo News Network - All Rights Reserved - Powered: By Refresh