Mbi 700 mijë qytetarë të Kosovës gjenden jashtë vendit

24.04.2014 15:44 - Numri i qytetarëve të Kosovës, të cilët kanë migruar në vende të ndryshme të botës, sipas raportit të publikuar të enjten nga Agjencia e Statistikave të Kosovës, është mbi 700 mijë persona. Në kuadër të kësaj shifre janë futur edhe fëmijët e lindur jashtë vendit

Lexo mė shumė

Politikë & Ekonomi

Ligji për Noterinë, që dy vjet nuk gjen zbatim

Prishtinë, 25.06.2010 14:12



Mozbatimi i Ligjit për Noterinë do të hyjë në vitin e tretë, sepse edhe këtë vit Kosova nuk do të ketë noterë.
I miratuar që në tetor të vitit 2008, Ligji për Noterinë parashikon hapjen e zyrave të noterëve të cilët do të merren me verifikimin e kopjeve të dokumenteve me origjinalin, zyrtarizmin e deklaratave, trashëgiminë, të gjitha llojet e kontratave etj.

Në Ministrinë e Drejtësisë thonë se vonesat për implementimin e këtij ligji kanë të bëjnë me natyrë kryesisht teknike. Dyqind kandidatë kanë plotësuar kushtet e parapara me ligj të cilët janë duke e ndjekur një trajnim, ndërsa vetëm pas përfundimit të këtij trajnimi, kandidatët do t'i nënshtrohen provimit për noterë. 

Zëdhënësi Astrit Kolaj është shprehur se deri në qershor nuk do të mund të hapet asnjë zyrë noterie për shkak se kandidatët për noterë këtë vjeshtë do t’i nënshtrohen një provimi, ndërsa më pas duhet të kryhen edhe disa përgatitje të tjera.

Vonesa e implementimit të këtij viti lë edhe për një vit radhët e gjata të qytetarëve të cilët presin për të vërtetuar një dokument apo për të dhënë një deklaratë në sportelet e komunave. Kosova vazhdon të mbetet i vetmi vend në rajon pa noterë, ndërsa për punën e tyre stërngarkohen kryesisht administratat komunale.

Shërbimi i noterisë është shërbim juridik dhe publik që e ka për qëllim mbrojtjen e interesave të ligjshme të personave fizikë dhe juridikë në pajtim me Kushtetutën dhe ligjet e Kosovës.

Noteri do të kujdeset për të gjitha llojet e kontratave, testamenteve, do të bëjë vërtetimin e kopjeve të dokumenteve origjinale, vërtetimi i ekstrakteve të librave të tregtisë e biznesit, vërtetimi i nënshkrimit, vërtetimi i datës, konfirmimi i konkluzioneve të bëra nga organet e personit juridik, pranimi i deklaratave nën betim, ruajtja dhe dorëzimi i dokumenteve, ruajtja dhe dorëzimi i parasë së gatshme, gjërave me vlerë dhe letrave të çmuara, ruajtja e dokumenteve origjinale, lëshimi i njoftimeve dhe kopjeve etj.

Shtrirja e zyrave të noterisë do të jetë së paku një zyre noteriale për një komunë, por numri mund të rritet për komunat që kanë më tepër se 20 mijë banorë. Përderisa në Prishtinë aktualisht vetëm një sportel pranë komunës i kryen këto shërbime administrative ku krijohen radhë të gjata, në të ardhmen pritet që në kryeqytet të punojnë të paktën 10 noterë.

Të drejtën e ushtrimit të profesionit të noterisë do ta kenë ata juristë të cilët do ta kalojnë provimin e noterisë të përcaktuar me ligj. /J. Rexhaj

Prapa

Shpërndaje artikullin:

Komento:




E Enjte

24

Prill

2014

Fotolajm

19.04.2014 11:05 - Pianistja 18-vjeçare nga Gjilani, Fatjona Maliqi, edhe pse ka kaq shumë diploma, çmime dhe mirënjohje të ndryshme për përformancat e saj, ka ambicie që të ketë edhe më shumë. Duke vazhduar kështu, ndoshta një ditë do të hyjë në librin Guiness për numrin më të madh të diplomave.

Kjo Agjenci Lajmesh menaxhohet dhe kontrollohet nga Qendra Mediale KNN (Kosovo News Network). Informacionet e publikuara në portalin knninfo.com nuk mund të kopjohen dhe përdoren për çfarëdo qëllimi, pa një marrëveshje bashkëpunimi me drejtuesit e KNN-së. Të gjitha të drejtat e botimeve në këtë portal janë të rezervuara dhe të mbrojtura. Përdorimi i informatave mund të bëhet duke përmendur burimin, ndryshe konsiderohet një shkelje e të drejtave të autorit.

© Copyright 2010 - Kosovo News Network - All Rights Reserved - Powered: By Refresh