Vrasje në tentativë në Skënderaj

Në fshatin Klinë e Mesme e Skënderajt, mesditën e se mërkurës, është plagosur me armë zjarri një i ri, ka njoftuar policia, sipas se cilës ngjarja ka ndodhur në oborrin e shtëpive të viktimës dhe të dyshuarit.

Viktimës, Granit Jusufi 19 vjeç, ndihma e parë i është dhënë në QKMF në Skënderaj, e pastaj në shoqërimin e mjekut është dërguar për trajtim të mëtejme në QKUK në Prishtinë, por viktima është jashtë rrezikut për jetë.  Mjeku shoqërues, dr Armir Sejdiu, ka treguar se viktima ishte qëlluar me armë në gjoks dhe kraharor dhe gjendja e tij shëndetësore ka qenë e komplikuar. “Në repartin e emergjencës në QKUK ai është pranuar me vetëdije të parametrave normal, mirëpo gjendja e tij shëndetësore mbetët e rëndë”, ka treguat dr Sejdiu.

Ndërkaq, toger Besim Hoti, zëdhënës i policisë rajonale në Mitrovicë, kas deklaruar: “Dyshohet se sulmuesi 30 vjeç, kushëriri i viktimës, ka shtënë me armë automatike në drejtim të viktimës së tij, pas një mosmarrëveshje të çastit. Hetuesit policorë gjatë kryerjes së ekzaminimit të vendit të ngjarjes, kanë gjetur katër gëzhoja të armës automatike dhe ato janë marrë si prova materiale”.

Sipas policisë, gjatë bastisjes në shtëpinë e të dyshuarit, është gjetur edhe arma automatike e cila besohet se ishte përfshirë në rast. Me ketë rast është arrestuar i dyshuari kryesor, H. Jusufi (1982), kurse rasti është kualifikuar si vrasje në tentativë dhe armë mbajtje pa leje.

Shpërndaje artikullin: